Cuántes tardes de xunu nos casamos...
Nun yera más que dir hasta la presa,
xurar que nos queríamos; que nun s'acabaríen
nin los nuesos deseos nin aquel veranu.
Y un día, colos filos brillantes de munches telarañes
enrestré-y un aniellu. Ella esparcióse polen
pelos güeyos. Y yo zarré los míos.
Xunu. Mil novecientos setenta y tantos.
Tamos vivos los dos.
Pero nunca enxamás volvimos atopanos.
(C) Aurelio González Ovies
Tardes de cal viva y brea
Voz: María García Esperón
Música: Yiruma
MMXI
